下周港股焦點:鞋股都有機會受惠微調

所謂高層南巡，原來係真咖！溫家寶就去左廣東調研，參考左鋼鐵製品、鞋業、數碼機械等，不過，就冇發表過咩重大既講話了。睇黎星期一既股市，大家對祖國救市又落空，都會跌番1-2%了。
不過，雖然溫總冇重大講話，但此類調研，對佢返去主持咩經濟會議，決定下半年的宏調方面，大有幫助。其實國務院上個月今個月，不停地調研，尤其是東部的中小企、出口廠商等，結果發現，大部份都係因匯率上升、稅率太高，經營甚為惡劣，好想中央幫一幫。
股精心諗，落黎做調研的，都係國務院高層，中小企反映的意見，唔會聽完就算（如果只係當做Show，又駛鬼溫總親自出巡咩）。所以佢地的意見，聽在高層耳裡，一定會有相關措施出台。股精覺得響從緊、人民幣升值呢兩個大前提下，惟一可以做的扶助政策，係退稿，同埋俾中小企容易Ｄ借錢去周轉，但人民幣會唔會因為中小企，而減慢升值步伐，似乎未必了。因為人仔升值，可以幫幫手頂住通脹，而通脹仲係國務院主要的頭號敵人。
既然溫總睇過紡織，睇過鞋業，股精覺得未來的利好政策，都會針對呢兩個行業。紡織股曾推介過魏橋紡織，至於鞋股，不妨選謝左好耐的永嘉集團(03322)，集團運動服生產業務主要以OEM方式為國際品牌生產運動服產品，以及在中國、香港、澳門及台灣擁有獨家分銷UMBRO品牌運動服、鞋類、配件。永嘉業務勝在穩陣，但由於成本上漲、人民幣升值等，又未能轉嫁去客戶，攪到賺少好多錢，希望佢捱到去扶持政策推行，夠升番$1，但跌穿$1一定要止蝕。